Du hilfsch allne wo kei Hilf hei becho
Und alli die die wüsse das o
Du bisch barmhärziger als dä Samariter
Oder villech bisch de Usduursportfan
Gisch dir wüchentlech di Ironman
Jitz bisch bi Kilometer 2 und masch nümm wyter
De säg i nid flenne i kenne
Es Gheimrezäpt das git dir immer wider Schnuuf
Hör doch uf
Für jede Fähler wo de sälber machsch zahlsch
Hingäge wenn de nüt machsch machsch o sicher nüt falsch
Dasch dr einzig Bibelspruch won i druuf schwöre
Egal öb du bim Zügle ds Porzellan umetreisch
Oder als Füürwehrhouptme Schlüüch verleisch
Hör uf afa fang a höre
Und chunnsch du mit Höre nümm düre
De setzisch eifach ds angre Wundermittel y
Las la sy
Das Wundermittel hilft egal wo de bisch
Ar grüenen Amplen und am Gschänklitisch
Bi Hueschtereiz und bi Depressione
Guet i Einzelfäll isch’s dümmer wenn’s lasch
Zum Bispiel meischtens binre Härzmassage
Und ou bir Verhüetig git’s so Situatione
Drum git’s no öppis dritts wo
Immer hout wenn alles andre nid ma bha
Fang wider a
Text und Musik: Nils Althaus
© by Nils Althaus